صرخت ()يتيم () آآبكت "500" طفل

بنت لم تبلغ عامها التاسع فقدت كل فرحة وكل أمل مع فقدانها والدها
في حادث مروري

عندما ألقت هذه الخاطرة في مهرجان أبكت 500 طفل معها



يايبـه ... عمري ... حبيبي
لا تأخر,,,
أبي ترجع قبل ماأنام
أبي اتلحف حنانك في
تصبحين بخير مع بوسة على خدي ...... يبـــه وانام
وقبل ماانسى يبـــه اســـــــــمع
ابي دفتر رسم أحمر
وابي أقلام للتلوين
وابي فستان .... مثل لون الشموس أصفر
وابيك انت تلبسني



تحمل يبه أرجوك
تمهل يبه أرجوك

شوي .. شوي .. شوي ..يبه وينك ؟



تعبت أنتظر
تعبت اتخيل ايدينك
يبه وينك ؟



تعبت أسأل زوايا البيت
تعبت أسئل ثوبك المكوي
تعبت اشـــم عـــــــطرك


واحضن ..غيابك



تعبت أكذب على دمعي
وارتب عيني وثيابك
يبـــه وينك ؟
ألف الدار واتذكر
هنا يمشي .....
هنا يجلس ....
هنا يضحك ....
يبه وينك ؟!!
ويقطع حزن هالأفكار
باب الدار
.......
واصيح
واصيح
واصيح
بصوت واتحشرج ..... منو بالباب ...منو اللي دق هذا الباب ؟!؟
آآنآآآ


ماابي لعب و أقلام
انا مابي هدايا
انا مابي اشوف اصحاب



يبـــه وينك ؟

يبه يرضيك حالي الحين
كرهت المدرسة والدرس
ولا حد فيني حس


تذكرني بغيابك
شهادتي ... ومعلمتي ... وباب المدرسة


يبــه وينك ؟
كلامي يبه حارق كلامي مر
وأنا أقرا في الدفاتر هنا
(يوقع ولي الأمر )
مين لي فرحتي تتكحل بعينه
وضحكاته
يبــه ... وينك ؟



نجحت وتختنق فرحة وسط صدري
تجيني الناس وتبارك
وهذا الحزن بي حارث
ولاتدري أني يتيمة
والسبب::
,
,
,
,




حادث